"Zirə" klubunun müdafiəçisi Adil Nağıyev Azərbaycanın 21 yaşadək futbolçulardan ibarət milli komandasının heyətindən kənarlaşdırılıb.
Sportnet.az-ın AFFA-nın rəsmi saytına istinadən verdiyi məlumata görə, bu barədə yığmanın baş məşqçisi Yaşar Vahabzadə qərar qəbul edib.
Komanda üzvləri avqustun 24-dən Bakıda təlim-məşq toplanışındadırlar. Hazırlıq prosesi ərzində keçirilən 2 yoxlama oyununda Nağıyev imkanlarından aşağı səviyyədə çıxış edib. Nəticədə Vahabzadə onu yığmanın toplanışından klubunun düşərgəsinə göndərib.
Qeyd edək ki, Azərbaycan millisi sentyabrın 6-da Farer adaları yığması ilə Avropa çempionatının seçmə qrup matçında üz-üzə gələcək. Bakının Mərdəkan qəsəbəsindəki "Dalğa Arena"da keçiriləcək görüş saat 18:00-da başlanacaq.
