Bu gün 2018-ci il dünya çempionatının seçmə mərhələsinin Avropa zonasında ilk turun növbəti oyunları keçirilib. Sportnet.az-ın məlumatına görə, bunlar D, I və G qrupununun matçlarıdır.
Türkiyə yığması qrupda mübarizəyə səfərdə başlayıb. Rəqib AVRO-2016-da final mərhələsində bir qrupda olduğu güclü Xorvatiya millisi olub. Fatih Terimin komandası Fransada keçirilən həmin turnirdə də ilk oyununu məhz xorvatlara qarşı keçirərək 0:1 hesabı ilə uduzmuşdu. Bu dəfə Xorvatiyada 1:1 hesablı heç-heçə qeydə alınıb.
Əfsanəvi futbolçu Andrey Şevçenkonun Ukrayna yığmasının baş məşqçi postunda debütü ilə Kosovonun dünya çempionatının seçmə mərhələsindəki ilk oyunu 1:1 hesabı ilə nəticələnib. Bu bərabərlik Albaniya - Makedoniya matçında da qeydə alınsa da, oyun başa çatdırılmayıb. Çünki qarşılaşmanın keçirildiyi "Loro Bonuççi" stadionuna yağan güclü yağış üzündən baş hakim 77-ci dəqiqədə mübarizəni dayandırıb. Belə olan halda, matç bu gün sona çatdırılacaq. "Qarabağ"la "Neftçi"nin müdafiəçiləri Ansi Aqolli və Vanço Şikov bu oyunda sonadək meydanda olublar. Aqolli Albaniya yığmasının kapitanı olub.
"Qəbələ"nin gürcü yarımmüdafiəçisi Nika Kvekveskiri isə Avstriyaya 1:2 hesabı ilə uduzduqları ev oyununda ehtiyatda qalıb. İspaniya yığması autsayder Lixtenştyeni evdə darmadağın edib - 8:0.
5 sentyabr
D qrupu
20:00. Gürcüstan - Avstriya - 1:2
Qollar: Jano Ananidze, 78 - Martin Hinteregger, 16, Mark Janko, 42
22:45. Uels - Moldova - 4:0
Qollar: Sem Vokes, 38, Joe Allen, 44, Qaret Beyl, 51, 90+5-pen
22:45. Serbiya - İrlandiya - 2:2
Qollar: Filip Kostiç, 62, Duşan Tadiç, 69 - Jeff Hendrikk, 3, Daril Mörfi, 81
I qrupu
22:45. Finlandiya - Kosovo - 1:1
Qollar: Paulus Arajuuri, 18 - Valon Berişa, 60-pen
22:45. Xorvatiya - Türkiyə - 1:1
Qollar: İvan Rakitiç, 44 - Hakan Çalkanoğlu, 45+1
22:45. Ukrayna - İslandiya - 1:1
Qollar: Andrey Yarmolenko, 41 - Alfred Finqaboqason, 6
G qrupu
22:45. İspaniya - Lixtenşteyn - 8:0
Qollar: Dieqo Kosta, 10, 66, Serji Roberto, 55, David Silva, 59, 90+1, Nolito, 60, Alvaro Morata, 68, 82, 83
22:45. Albaniya - Makedoniya - 1:1 (oyun başa çatdırılmayıb)
Qollar: Armando Sadiku, 8 - Egzijan Alioski, 51
22:45. İsrail - İtaliya - 1:3
Qolar: Ben Haim, 34 - Fratisano Pelle, 14, Andrea Kandreva, 31-pen, Çiro İmmobilıe, 83
Qırmızı vərəqə: Corco Kyellini, 55 (ikinci sarı)
