Azərbaycanlı futbolçu Budaq Nəsirovun şərəfini qoruduğu Portuqaliyanın "Sportinq" klubu növbəti qələbəsini qazanıb. Sportnet.az-ın məlumatına görə, Lissabon təmsilçisi "Moreyrense"ni böyük hesabla məğlub edib - 3:0.
Meydan sahibləri 34-cü dəqiqədə rəqibin braziliyalı futbolçusu Neto qırmızı vərəqə aldığından, matçın böyük hissəsini say üstünlüyündə keçiriblər. Nəsirovun adı matçın protokoluna daxil edilməyib. "Sportinq" 4 oyundan sonra maksimum xal toplayan yeganə komanda olaraq turnir cədvəlinə başçılıq edir.
