Azərbaycan Premyer Liqasında çıxış edən komandaların əvəzedici heyətlərinin yarışında 3-cü turdan təxirə salınmış "Qəbələ" – "Sumqayıt" oyununun keçirilmə tarixi dəyişdirilib. Sportnet.az-ın məlumatına görə, matçın keçirilməsi sentyabrın 21-ə nəzərdə tutulsa da, görüş dekabrın 5-də olacaq.
Buna səbəb "Qəbələ"nin UEFA U-19 Gənclər Liqasında çıxışıdır. Əyalət klubu turnirin birinci mərhələsində Rusiyanın "Dinamo” klubu ilə qarşılaşacaq.
Rusiya təmsilçisi ilə matçı sentyabrın 21-də keçiriləcək. Qarşılaşma Bakı vaxtı ilə saat 19:00-da başlayacaq.
