"Kəpəz"in futbolçusu Orxan Əliyev "Qarabağ"la Azərbaycan Premyer Liqasının XIX tur matçında zədələnib.
Sportnet.az-ın məlumatına görə, yaşlı yarımmüdafiəçi 67-ci dəqiqədə rəqib komandanın müdafiəçisi Maksim Medvedevlə top uğrunda mübarizə apardıqdan sonra ayağında ağrılar hiss edib.
Nəticədə o, meydanın kənarında yerdə oturaraq, ayağını tutub. Bir müddət sonra Gəncə komandasının həkimi Əliyevə yaxınlaşaraq, ilkin tibbi yardım göstərib. Ardından futbolçu meydanın kənarı ilə axsaya-axsaya "Kəpəz"in ehtiyat oyunçular skamyasına doğru hərəkət edib.
Qeyd edək ki, görüş "Qarabağ"ın qələbəsi ilə yekunlaşıb - 1:0.
