"Bizim üçün çox yaxşı nəticə oldu. Ən çətin səfərlərdən biri idi. Sona kimi çalışdıq, vuruşduq və nəticə qazandıq. Biz "Qəbələ”ni məğlub edə də bilərdik. İstənilən halda Qəbələ səfərindən bir xal da pis nəticə sayılmamalıdır. Artıq "Qəbələ” oyunu geridə qaldı. Qarşıdakı oyunlara köklənməliyik".
Bu sözləri Sportnet.az-a açıqlamasında "Zirə"nin üzvü Adil Nağıyev deyib.
O, qarşıdakı turda "İnter"lə oynayacaqları matçdan da qalib ayrılmaq istədiklərini bildirib: "İnter" çempionatın ən yaxşı komandalarından biridir. Onlara qarşı oynamaq hər zaman çətin olub. Məncə, bu dəfə də çətin olacaq. Ancaq bu matçda da sona kimi qələbə üçün mübarizə aparacağıq".
