Hollandiyanın "Zvolle" klubunun futbolçusu Yunes Moxtar "Qarabağ"ın təklifindən imtina edib. Sportnet.az-ın NOS nəşrinə istinadən məlumatına görə, bu, yay transfer dövründə baş verib.
Mərakeşli sol cinah yarımmüdafiəçisi komandada qalmağa qərar verib. Bununla belə, 26 yaşlı oyunçu qışda yaxşı təklif qarşılığında klubunu tərk etməyə hazırdır. O, indiyədək Mərakeşin bütün yaş qrupları üzrə yığmalarında çıxış etsə də, yalnız əsas milliyə çağırılmayıb. Moxtar 2018-ci il dünya çempionatında çıxış etmək istədiyini vurğulayıb.
Qeyd edək ki, "Qarabağ" yayda sol cinah yarımmüdafiəçisi mövqeyinə Haiti millisinin üzvü Vild Donald Gerryeni transfer edib.
