İspaniyanın "Barselona” klubu braziliyalı futbolçu Filippe Koutinyonun transferi üçün İngiltərə "Liverpul”una növbəti dəfə təklif göndərəcək.
Sportnet.az sport.es saytına istinadən xəbər verir ki, kataloniyalılar 25 yaşlı hücumameylli yarımmüdafiəçi üçün mersisaydlılara 145 milyon avro ödəməyə hazırdırlar. Keçid baş tutarsa, Koutinyonun illik maaşı 14 milyon avro təşkil edəcək.
Qeyd edək ki, "Barselona” yay fəsiləsində Koutinyo üçün "Liverpul”a bir neçə dəfə təklif göndərib. Lakin İngiltərə klubu onu satmaqdan imtina edib. 2013-cü ildə İtaliya "İnter”indən alınan braziliyalı özü də "Barselona”ya transfer olunmaqda israrlıdır.
