"Qalatasaray" klubu Türkiyə kubokunun cavab matçında səfərdə "Sivas Belediyyəspor"la üz-üzə gəlib.
Sportnet.az-ım məlumatına görə, qarşılaşma meydan sahiblərinin 2:1 hesablı qələbəsi ilə başa çatıb. Matçda hesabı qonaqlar açıb.
Görüşün 10-cu dəqiqəsində Sinan Gümüş fərqlənib. Meydan sahiblərinin heyətində Samet Katanalp 43-cu dəqiqədə bərabərlik qolunu vurub. Matçın sonlarında isə Ali Aydın komandasına qələbə qazandıran qola imza atıb.
Qeyd edək ki, İstanbul təmsilçisi birinci matçda rəqibini 5:1 hesabı ilə üstələyib.
