Bu gün İspaniya La Liqasında ilin sonuncu "El-Klasiko”su baş tutub.
Sportnet.az xəbər verir ki, XVII tur çərçivəsində "Real Madrid” və "Barselona” komandaları qarşılaşıblar.
"Santyaqo Bernabeu” stadionunda keçirilən oyun qonaqların 3:0 hesablı qələbəsi ilə yekunlaşıb. Matçda hesabı 54-cü dəqiqədə Luis Suares açıb. Görüşün 63-cü dəqiqəsində isə meydan sahiblərinin müdafiəçisi Daniel Karvaxal qapıya gedən topun qarşısını əli ilə kəsdiyi üçün qırmızı vərəqə alıb. Təyin edilən penaltini isə Lionel Messi qola çevirib.
Oyunda son nöqtəni isə 90+2-ci dəqiqədə Aleş Vidal qoyub.
Qeyd edək ki, bu qalibiyyətdən sonra xalını 45-ə çatdıran "Barselona” liderliyini möhkəmləndirib. Bir oyun az keçirdən "Real Madrid” isə 31 xalla 4-cü sıradadır.
-----
Bu gün İspaniya La Liqasında ilin sonuncu "El-Klasiko”su keçiriləcək.
Sportnet.az xəbər verir ki, XVII tur çərçivəsində "Real Madrid” "Barselona”nı qəbul edəcək.
Əzəli rəqiblərin cari çempionatda "Santyaqo Bernabeu” stadionunda baş tutacaq ilk dueli Bakı vaxtı ilə saat 16:00-da başlayacaq.
Ötən mövsüm La Liqanın, İspaniya Kubokunun və Çempionlar Liqasının qalibi olan "Real Madrid” cari birinciliyə yaxşı başlamayıb. Zinədin Zidanın rəhbərlik etdiyi kollektiv hazırda 31 xalla 4-cü pillədə qərarlaşıb və lider "Barselona”dan 11 xal geri qalır. Lakin "kral klubu"nun ehtiyatda bir oyunu da var. Kataloniya təmsilçisi isə ən yaxın izləyicisi "Atletiko”nu 6 xal qabaqlayır.
Növbəti matç bu kollektivlərin La Liqada 175-ci dueli olacaq. Əvvəlki görüşlərdən 72-də madridlilər, 69-da isə kataloniyalılar qalib gəlib. Ümumilikdə isə "Real Madrid”lə "Barselona” 270-ci dəfə qarşılaşacaqlar. Bunlardan 99-da paytaxt klubu, 11-də isə "göy-narıncılar” qələbə qazanıblar.
|
Turnir |
Oyun sayı |
Real M |
Bareslona |
Heç-heçə |
Top fərqi |
|
La Liga |
174 |
72 |
69 |
33 |
284 - 277 |
|
Kral Kuboku |
33 |
12 |
14 |
7 |
64 - 63 |
|
Liqa Kuboku |
6 |
0 |
2 |
4 |
8 - 13 |
|
Superkubok |
14 |
8 |
4 |
2 |
30 - 18 |
|
Çempionlar Liqası |
8 |
3 |
2 |
3 |
13 - 10 |
|
Yoldaşlıq/ Digər |
34 |
4 |
20 |
10 |
44 - 86 |
|
Cəmi |
269 |
99 |
111 |
59 |
443 - 467 |
16:00. "Real Madrid” – "Barselona” 0:3
Qolla: Luis Suares, 54. Lionel Messi, 64-p. Aleş Vidal, 90+2
Qırmızı vərəqə: Daniel Karvaxal, 63
Baş hakim: Xose Mariya Sançes Martines
"Santyaqo Bernabeu” stadionu
