Türkiyənin Antalya bölgəsində təlim-məşq toplanışı keçirəcək Azərbaycan milli komandasının yoldaşlıq görüşü keçirməsi üçün yeni rəqib tapılıb.
Sportnet.az-ın məlumatına görə, bu, Kosovo yığmasıdır. Bununla bağlı AFFA və Kosovo Futbol Federasiyası arasında ilkin razılıq əldə olunub. Matç fevralın 2-də nəzərdə tutulub.
Qeyd edək ki, Azərbaycan millisi yanvarın 30-da Antalyada Moldova ilə üz-üzə gələcək. Fevralın 2-də isə Gürcüstanla oyun nəzərdə tutulmuşdu. Lakin sonradan qonşu ölkənin xahişi ilə bu görüşün başqa vaxta təxirə salınması qərara alınıb.
