Türkiyənin Antalya bölgəsində təlim-məşq toplanışını davam etdirən "Sumqayıt” qonşu ölkədə növbəti yoxlama oyununa çıxıb.
Sportnet.az-ın məlumatına görə, Samir Abasovun yetirmələri Makedoniyanın "Akademiya Pandev” klubu ilə üz-üzə gəlib. Manavgat şəhər Mustafa Kamal Atatürk adına stadionunda keçirilən görüş 1:1 hesabı ilə başa çatıb. Sumqayıtlıların yeganə qolunu kapitan Vurğun Hüseynov vurub.
Qeyd edək ki, 2010-cu ildə məşhur futbolçu Qoran Pandev tərəfindən yaradılan komanda ötən mövsüm Makedoniya 2-ci liqasında 1-ci yer tutaraq əsas liqaya vəsiqə qazanıb.
Yoxlma oyunu
16:00 "Sumqayıt" - "Akademiya Pandev" 1:1
Qol: Vurğun Hüseynov, 32 - 43
"Sumqayıt”: 23. Mehdi Cənnətov, 2. Rail Məlikov, 3. Vurğun Hüseynov, 6. Kamal Mirzəyev, 7. Cavid Tağıyev, 9. Amil Yunanov, 14. Bəxtiyar Həsənalızadə, 17. Nicat Qurbanov, 18. Tural Axundov, 19. Azər Salahlı, 97. Xəyal Nəcəfov
Ehtiyat oyunçular: 1. Fərhad Vəliyev, 36. Süleyman Süleymanov, 11. Ehtiram Şahverdiyev, 20. Rüfət Abdullazadə, 39. Tural Bayramlı, 70. Ülvü İsgəndərov
Baş məşqçi: Samir Abasov
