Türkiyənin Antalya bölgəsində təlim-məşq toplanışını davam etdirən "Kəpəz” 3-cü yoxlama oyununa çıxıb.
Sportnet.az-ın məlumatına görə, rəqib Polşanın "Yagelloniya” klubu olub. Qarşılaşma "Yagelloniya"nın böyük hesablı qələbəsi ilə yekunlaşıb. İlk yarıda 7 qol vuran polşalılar fasilədən sonra daha bir dəfə fərqləniblər. Oyunun sonuncu dəqiqəsində "Kəpəz"in təsəlli qolunu İqor Korotetski vurub.
Beləliklə, "Kəpəz" də "Neftçi" kimi 1:8 hesabı ilə uduzub. Flaqman bu hesabla Rusiya Premyer Liqasında mübarizə aparan "OİK-Xabarovsk"a yenilmişdisə, Gəncə təmsilçisi yayda Avropa Liqasının II təsnifat mərhələsində "Qəbələ"nin mübarizədən kənarlaşdırdığı komandaya uduzub.
Yoxlma oyunu
17:00 "Kəpəz" - "Yagelloniya” - 1:8
"Kəpəz": Sergey Litovçenko - Şəhriyar Əliyev, Tural Cəlilov, Şəhriyar Rəhimov, İqor Korotetski, Murad Səttarlı, Roman Hüseynov, Tərzin Cahangirov, Quli Mandjqaladze, Dieqo Souza, Dario Frederiko.
Qol: İqor Korotetski, 90
Oyunun ilk yarısı "Kəpəz"in futbolçusularının rəqiblə toqquşması səbəbindən 44-cü dəqiqədə yekunlaşıb.
