UEFA Çempionlar Liqasının qrup mərhələsinin VI turunda daha 5 oyun keçirilib.
Sportnet.az-ın məlumatına görə, H qrupunda Almaniyada İngiltərənin "Mançester Yunayted" klubuna 3:2 hesabı ilə qalib gələn "Leyptsiq" 1/8 final mərhələsinə yüksəlib. Bu qrupun Fransa PSJ-si ilə Türkiyə "Başaşkşehir"i arasında keçirilən digər matçı isə irqçilik səbəbindən yarımçıq dayandırılıb. Buna baxmayaraq, Paris təmsilçisinin də mərhələ adlaması rəsmiləşib. "Mançester Yunayted" isə mübarizəni Avropa Liqasında davam etdirəcək.
G qrupunda İtaliya "Yuventus"u İspaniyada "Barselona"nı 3 cavabsız qolla məğlub edib. Ukraynanın "Dinamo" (Kiyev) komandası isə evdə Macarıstan "Ferentsvaroş"una 1:0 hesabı ilə qalib gələrək, Avropa Liqasının 1/16 final mərhələsində iştirak hüququ qazanıb.
-----------------------------------------------------------------
UEFA Çempionlar Liqasının qrup mərhələsində VI turun 2 oyunu başa çatıb.
Sportnet.az-ın məlumatına görə, F qrupunda 1/8 finala vəsiqəni ötən tur təmin etmiş Almaniyanın "Borussiya" (Dortmund) klubu Rusiyada "Zenit"ə 2:1 hesabı ilə qalib gəlib. Matçda hesabı 16-cı dəqiqədə meydan sahiblərinin heyətində Sebastian Druissi açıb. 68-ci dəqiqədə Lukaş Pişşek, 79-cu dəqiqədə isə Aksel Vitselin qolları qonaqlara əzmkar qələbə qazandırıb. Bu nəticədən sonra xallarını 13-ə çatdıran Dortmund təmsilçisi növbəti mərhələyə lider kimi adlayıb. "Zenit" isə qrup mərhələsini 1 xalla sonuncu sırada başa vurub.
Digər matçda "Latsio" İtaliyada Belçika "Brügge"si ilə heç-heçə edib - 2:2. Əvvəlcə 12-ci dəqiqə Roma klubundan Xoakin Korrea fərqlənib. 3 dəqiqə sonra qonaqlar Rüd Vormerin qolu ilə tarazlığı bərpa ediblər. 27-ci dəqiqədə Çiro İmmobile "Latsio"nu yenidən önə keçirib. 39-cu dəqiqədə "Brügge"nin futbolçusu Eduard Sobol qırmızı vərəqə alaraq meydandan qovulub. Buna baxmayaraq, Belçika təmsilçisi 76-cı dəqiqədə yenidən hesabı bərabərləşdirə bilib. Lakin bu nəticə ilə xallarını 10-a çatdıran "Latsio" pley-offa yüksəlib. 8 xalı olan "Brügge" isə mübarizəni Avropa Liqasının 1/16 final mərhələsində davam etdirəcək.
--------------------------------------------------------------------
Bu gün UEFA Çempionlar Liqasının qrup mərhələsində sonuncu tura start veriləcək.
Sportnet.az-ın məlumatına görə, VI turun ilk oyun günündə E, F, G və H qruplarında baş tutacaq 8 matçdan sonra pley-offa adlayan və Avropa Liqasına vəsiqə qazanan növbəti komandalar müəyyənləşəcək.
E qrupunda bütün suallara aydınlıq gəldiyindən, oyunlar formal xarakter daşıyacaq.
F qrupunda İtaliya "Latsio"su ilə Belçika "Brügge"si Almaniyanın "Borussiya" (Dortmund) komandasından sonra 1/8 finala növbəti vəsiqənin sahibini müəyyənləşdirmək üçün üz-üzə gələcəklər.
G qrupunda İtaliyanın "Yuventus" klubu İspaniyada "Barselona" ilə liderlik oyununa çıxacaq. Digər matçda Macarıstan "Ferentsvaroş"u Ukraynada "Dinamo" (Kiyev) klubu ilə qarşılaşacaq. Bu görüşün nəticəsi Avropa Liqasına yollanacaq komandanın adına aydınlıq gətirəcək.
Gecənin ən maraqla gözlənilən oyunlarından biri Almaniyada olacaq. H qrupunda yerli "Leyptsiq" İngiltərə təmsilçisi "Mançester Yunayted"lə münasibətlərinə aydınlıq gətirəcək. Eyni - 9 xala malik komandalardan "qırmızı şeytanlar"a heç-heçə sərf etdiyi halda, meydan sahiblərini yalnız qələbə maraqlandırır. Qrupun digər matçında isə heç bir iddiası qalmayan Türkiyə "Başakşehir"i Fransada PSJ ilə qarşılaşacaq.
Çempionlar Liqası
Qrup mərhələsi, VI tur
E qrupu
00:00. "Renn" (Fransa) - "Sevilya" (İspaniya) - 1:3
Qollar: Corcinyo Ratter, 86 - Jül Kunde, 32, Yussef En-Neseri, 45+2, 81
00:00. "Çelsi" (İngiltərə) - "Krasnodar" (Rusiya) - 1:1
Qollar: Jorjinyo, 27 (penalti) - Remi Kabella, 24
Xal durumu: "Çelsi" - 14, "Sevilya" - 13, "Krasnodar" - 5, "Renn" - 1.
F qrupu
21:55. "Latsio" (İtaliya) - "Brügge" (Belçika) - 2:2
Qollar: Xoakin Korrea, 12, Çiro İmmobile, 27 (penalti) - Rüd Vormer, 15, Hans Vanaken, 76
Qırmızı vərəqə: Eduard Sobol, 39 (Brügge)
21:55. "Zenit" (Rusiya) - "Borussiya" (Dortmund, Almaniya) - 1:2
Qollar: Sebastian Druissi, 16 - Lukaş Pişşek, 68, Aksel Vitsel, 79
Xal durumu: "Borusssiya" D - 13, "Latsio" - 10, "Brügge" - 8, "Zenit" - 1.
G qrupu
00:00. "Dinamo" (Kiyev, Ukrayna) - "Ferentsvaroş" (Macarıstan) - 1:0
Qol: Denis Popov, 60
00:00. "Barselona" (İspaniya) - "Yuventus" (İtaliya) - 0:3
Qollar: Kriştianu Ronaldu, 13 (penalti), 52 (penalti), Ueston Makkenni, 20
Xal durumu: "Yuventus" - 15, "Barselona" - 15, "Dinamo" (Kiyev) - 4, "Ferentsvaroş" - 1.
H qrupu
00:00. PSJ (Fransa) - "Başakşehir" (Türkiyə) - 0:0 (DAYANDIRILIB)
00:00. "Leyptsiq" (Almaniya) - "Mançester Yunayted" (İngiltərə) - 3:2
Qollar: Anxelinyo, 2, Amadu Haydara, 13, Castin Klyuvert, 69 - Brunu Fernandeş, 80 (penalti), Pol Poqba, 82
Xal durumu: "Leyptsiq" - 12, PSJ - 9, "Mançester Yunayted" - 9, "Başakşehir" - 3.
Turun digər 8 oyunu dekabrın 9-da keçiriləcək.
Qeyd edək ki, daha əvvəl İngiltərənin "Çelsi", "Mançester Siti" və "Liverpul", İspaniyanın "Sevilya" və "Barselona", Almaniyanın "Bavariya" və "Borussiya" (Dortmund), İtaliyanın "Yuventus" və Portuqaliyanın "Portu" klubları 1/8 finala vəsiqə qazanıblar.
