İspaniya çempionatında 2011-ci ildə keçirilmiş "Saraqosa" - "Levante" matçının danışılmış oyun olmasına dair şübhələr ortaya çıxıb. Sportnet.az-ın məlumatına görə, bununla əlaqədar Valensiya məhkəməsi işi icrata götürüb.
Matç ölkə çempionatının son turu çərçivəsində baş tutub. Qarşılaşma "Saraqosa"nın 2:1 hesablı qələbəsi ilə yekunlaşıb. Bu nəticə qalib komandanın I Divizionda qalmasını təmin edib. İspaniya prokurorluğu iddia edir ki, qələbə qarşılığında "Saraqosa" "Levante"yə 965 min avro ödəyib.
