Türkiyənin Antalya şəhərində təlim-məşq toplanışında olan 17 yaşadək futbolçulardan ibarət Azərbaycan yığması iki yoldaşlıq oyunu keçirib. Sportnet.az-ın məlumatına görə, "Balkan Fenerbaxça” klubu ilə qarşılaşan yığmamız 9:0 hesablı qələbə qazanıb.
Yusif Cəfərovun het-tirk etdiyi oyunda, Oruc İsmayılov, Famil Camalov və Nicat Süleymanov hərəyə iki dəfə fərqləniblər. Növbəti qarşılaşmada rəqib Xorvatiyanın "RNK Split” komandası olub. Xorvatiya təmsilçisi qarşılaşmanı 4:0 hesablı qələbə ilə başa vurub.
