"Neftçi"nin UEFA Konfrans Liqasındakı potensial rəqibi bəlli olub.
Sportnet.az-ın məlumatına görə, ölkə çempionu Çempionlar Liqasının I təsnifat mərhələsində Gürcüstanın "Dinamo" (Tbilisi) klubuna uduzsa, "Makkabi" (Hayfa, İsrail) / “Kayrat” (Qazaxıstan) cütündə məğlub olan komanda ilə üz-üzə gələcək.
"Ağ-qaralar" ilk matçını evdə keçirmək hüququna malikdir.
Qeyd edək ki, Konfrans Liqasında II təsnifat mərhələsinin ilk oyunları iyulun 22-də, cavab görüşləri isə bir həftə sonra olacaq.
