"Zirə"nin şəhid futbolçusu İlqar Burcəliyev "Suqovuşanın azad olunmasına görə" medalı ilə təltif edilib.
Sportnet.az xəbər verir ki, bu barədə Prezident İlham Əliyevin "Azərbaycan Respublikası Silahlı Qüvvələrinin hərbi qulluqçularının təltif edilməsi" haqqında sərəncamında bildirilir.
İlqar Bürcəliyev daha əvvəl “Vətən uğrunda” medalına layiq görülüb.
Qeyd edək ki, "Zirə"nin U-17 komandasının sabiq üzvü olan İlqar Bürcəliyev sentyabrın 27-də - Vətən müharibəsinin başladığı ilk gün, 19 yaşında şəhid olub. Onun qardaşı Tamerlan Bürcəliyev "Zirə"nin əsas komandasında çıxış edir.
