UEFA Çempionlar Liqasının qrup mərhələsində V turun növbəti 6 oyunu keçirilib.
Sportnet.az-ın məlumatına görə, bununla da pley-offa vəsiqə qazanan daha bir komanda müəyyənləşib.
E qrupunda "Barselona" İspaniyada Portuqaliyanın "Benfika" klubunu qəbul edib. Görüş qolsuz başa çatdığından komandalar 1/8 finala çıxmaq şanslarını son tura saxlayıblar. Bu nəticə ilə Ukraynanın "Dinamo" (Kiyev) komandasının sonuncu pillədə qalacağı dəqiqləşib.
F qrupunda İtaliya "Atalanta"sı İsveçrədə "Yanq Boyz"u sınağa çəkib. Qarşılaşmada qalib müəyyənləşməyib.
G qrupunda Avstriya "Zaltsburq"u Fransada "Lill"ə uduzaraq, liderliyi əldən verib. İspaniya "Sevilya"sı isə evdə Almaniya "Volfsburq"una qalib gəlib.
H qrupunda İtaliya "Yuventus"undan sonra İngiltərənin "Çelsi" komandası da pley-offa vəsiqəni təmin edib. "Zadəganlar" buna evdə Turin təmsilçisini darmadağın etməklə nail olublar. Qrupun digər oyununda Rusiya "Zenit"i İsveçdə "Malmö" ilə heç-heçə edib. Bu nəticədən sonra Sankt-Peterburq təmsilçisi Çempionlar Liqasında mübarizəni dayandırsa da, 3-cü yerin sahibi kimi Avropa Liqasının pley-offunda oynamaq hüququ qazanıb.
-------------------------------------------
UEFA Çempionlar Liqasının qrup mərhələsində V tura start verilib.
Sportnet.az-ın məlumatına görə, ilk oyun gününə nəzərdə tutulan 8 qarşılaşmadan ikisi artıq başa çatıb.
E qrupunda Kiyev "Dinamo"su Ukraynada pley-offa vəsiqəni ötən tur təmin etmiş Almaniya "Bavariya"sını qəbul edib. Görüş qonaqların qələbəsi ilə başa çatıb. Qrupun digər matçında Portuqaliya "Benfika"sı İspaniyada "Barselona"nın qonağı olacaq. Lissabon təmsilçisi səfərdə uduzmasa, "Dinamo" avrokuboklarda mübarizəni dayandıracaq.
F qrupunda İngiltərə "Mançester Yunayted"i İspaniyada "Vilyarreal"la qarşılaşıb. Almaniyalı FIFA referisi Feliks Brixin başçılıq etdiyi hakimlər briqadasının əlaqə sistemindəki texniki nasazlığa görə 8 dəqiqə gec başlayan oyunda "qırmızı şeytanlar" 2:0 hesablı qələbə qazanıb. Qolları 78-ci dəqiqədə Kriştianu Ronaldu və 90-cı dəqiqədə Ceydon Sanço vurub. Bu qələbədən sonra xallarını 10-a çatdıran Mançester təmsilçisi sona bir tur qalmış pley-offa vəsiqəni təmin edib. Bu qrupun digər qarşılaşmasında İtaliya "Atalanta"sı İsveçrədə "Yanq Boyz"u sınağa çəkəcək
----------------------------------------------------
Bu gün UEFA Çempionlar Liqasının qrup mərhələsində V tura start veriləcək.
Sportnet.az-ın məlumatına görə, ilk oyun günündə E, F, G və H qruplarında ümumilikdə 8 qarşılaşma baş tutacaq. Matçlar Bakı vaxtı ilə saat 21:45-də və 00:00-da başlayacaq.
E qrupunda pley-offa vəsiqəni ötən tur təmin edən Almaniya "Bavariya"sı Ukraynada Kiyev "Dinamo"sunun qonağı olacaq. "Barselona" isə İspaniyada Portuqaliyanın "Benfika" klubunu qəbul edəcək. Kataloniya təmsilçisi qalib gələcəyi halda qrupdan çıxan 2-ci komanda olacaq.
F qrupunda İngiltərə "Mançester Yunayted"i İspaniyada "Vilyarreal"la qarşılaşacaq. Qrupun digər matçında İtaliya "Atalanta"sı İsveçrədə "Yanq Boyz"u sınağa çəkəcək. Qonaqlar bu qarşılaşmada xal itirərsə, "Vilyarreal" - "Mançester Yunayted" görüşünün qalibi sona 1 tur qalmış adını növbəti raunda yazdıracaq.
G qrupunun lideri Avstriya "Zaltsburq"u Fransada "Lill" komandası ilə üz-üzə gələcək. Qonaqlar rəqibini məğlub edəcəyi təqdirdə vaxtından əvvəl pley-offa vəsiqə əldə edəcək. İspaniya "Sevilya"sı isə evdə Almaniya "Volfsburq"u ilə münasibətlərinə aydınlıq gətirəcək. La Liqa təmsilçisi qrupdan çıxmaq şanslarını saxlamaq üçün uduzmamalıdır.
H qrupunda İtaliya "Yuventus"undan sonra İngiltərənin "Çelsi" komandası da pley-offa vəsiqəni təmin edə bilər. Bunun üçün London klubu evdə Turin təmsilçisinə məğlub olmamalıdır. Qrupun digər oyununda Rusiya "Zenit" İsveçdə "Malmö" ilə qarşılaşacaq. Sankt-Peterburq klubu qələbə qazanacağı halda meydan sahiblərinin qrupda qalması rəsmiləşəcək. Qonaqlar isə ən pis halda Avropa Liqasının pley-offunda mübarizə aparmaq hüququ qazanacaq.
UEFA Çempionlar Liqası
Qrup mərhələsi, V tur
23 noyabr
E qrupu
21:45. "Dinamo" (Kiyev, Ukrayna) - "Bavariya" (Almaniya) - 1:2
Qol: Denis Qarmaş, 70 - Robert Levandovski, 14. Kinqsli Koman, 42
00:00. "Barselona" (İspaniya) - "Benfika" (Portuqaliya) - 0:0
Xal durumu: "Bavariya" - 15, "Barselona" - 7, "Benfika" - 5, "Dinamo" - 1.
F qrupu
21:45. "Vilyarreal" (İspaniya) - "Mançester Yunayted" (İngiltərə) - 0:2
Qollar: Kriştianu Ronaldu, 78, Ceydon Sanço, 90
00:00. "Yanq Boyz" (İsveçrə) - "Atalanta" (İtaliya) - 3:3
Qollar: Cordan Sibaço, 39. Vensan Syerro, 80. Silvan Hefti, 84 - Duvan Sapata, 10. Xose Luis Palomino, 51. Luis Muryel, 88
Xal durumu: "Mançester Yunayted" - 10, "Vilyarreal" - 7, "Atalanta" - 6, "Yanq Boyz" - 4.
G qrupu
00:00. "Lill" (Fransa) - "Zaltsburq" (Avstriya) - 1:0
Qol: Conatan Devid, 31
00:00. "Sevilya" (İspaniya) - "Volfsburq" (Almaniya) - 2:0
Qollar: Xoan Xordan Moreno, 13, Rafael Mir Visente, 90+7
Xal durumu: "Lill" - 8, "Zaltsburq" - 7, "Sevilya" - 6. "Volfsburq" - 5.
H qrupu
00:00. "Malmö" (İsveç) - "Zenit" (Rusiya) - 1:1
Qollar: Sören Riyeks, 28 - Yaroslav Rakitski, 90+2 (pen.)
Qırmızı vərəqə: Dmitri Çistyakov, 86 ("Zenit")
00:00. "Çelsi" (İngiltərə) - "Yuventus" (İtaliya) - 4:0
Qollar: Trevo Çaloba, 25. Ris Ceyms, 56. Kallum Hadson-Odoi, 58. Timo Verner, 90+5
Xal durumu: "Çelsi" - 12, "Yuventus" - 12, "Zenit" - 4, "Malmö" - 1.
Qeyd edək ki, hələlik "Bavariya" və "Yuventus"la yanaşı, İngiltərənin "Liverpul" və Niderlandın "Ayaks" klublarının da pley-offa adlaması dəqiqləşib.
