"Qarabağ"ın futbolçusu Qaspar Panadero Kiprin AEK komandasına keçəcək.
Sportnet.az-ın "Goal.com.cy" nəşrinə istinadən məlumatına görə, artıq iki klub arasında şifahi razılıq əldə olunub. Yalnız tərəflər arasında müqavilənin imzalanması qalıb.
"Qarabağ"a ötən yay transfer olunmuş 24 yaşlı yarımmüdafiəçi bu mövsüm cəmi 4 oyunda meydana çıxıb. O, sonuncu dəfə 2021-ci il oktyabrın 3-də "Qəbələ"yə qarşı forma geyinib.
Baş məşqçi Qurban Qurbanov Panaderoya qış fasiləsində özünə klub tapmasını tövsiyə edib.
