Azarkeşlər İtaliyanın "Milan" klubunun baş məşqçisi Stefano Piolinin qızıl medalını özünə qaytarıblar.
Sportnet.az "La Repubblica" nəşrinə istinadən xəbər verir ki, 20-25 yaş arası 3 fanat vəkilin müşayiəti ilə Reco-Emiliya şəhərindəki polis idarəsinə gedib.
Tərəfdarlar medalı "Sassuolo" ilə matçdan sonra paltardəyişmə otağının yanından tapdıqlarını bildiriblər.
Qeyd edək ki, "Sassuolo"nu 3:0 hesabı ilə məğlub edən "Milan" 11 ildən sonra İtaliya çempionu olub. Stefano Pioli qızıl medalı çempionluğu bayram edərkən boynundan qoparıldığını açıqlayıb.
