"Qarabağ"ın daha iki legioneri ölkələrinin milli komandalarına çağırılıblar.
Sportnet.az xəbər verir ki, Luka Quqeşaşvili Avro-2024-ün seçmə mərhələsində iyunun 17-də Kipr, 20-də isə Şotlandiya ilə qarşılaşmalar üçün Gürcüstan millisinə dəvət edilib.
Leandro Andrade isə iyunun 12-də Mərakeş, 18-də isə Burkina Faso ilə oyunlar üçün Kabo-Verde millisinə çağırılıb.
Qeyd edək ki, bundan əvvəl Marko Veşoviç və Marko Yankoviç Monteneqro millisinin Avro-2024-ün seçmə mərhələsində iyunun 17-də Macarıstan ilə, iyunun 20-də isə Çex Respublikası ilə yoldaşlıq oyununa dəvət alıblar.
