Portuqaliyanın “Braqa” klubunun futbolçusu Rikardu Orta UEFA Avropa Liqasının pley-off mərhələsində Bakıda “Qarabağ”a qarşı keçiriləcək cavab oyununu da buraxa bilər.
Sportnet.az Portuqaliya mətbuatına istinadən xəbər verir ki, zədəsini yenicə sağaldan kapitan meydana çıxmağa tam hazır deyil.
İddiaya görə, 29 yaşlı hücumçu Bakıya gətirilsə belə, matçda iştirakı sual altındadır. Baş məşqçi Artur Jorje aparıcı oyunçunu riskə atmaq istəmir.
Qeyd edək ki, fevralın 22-də Tofiq Bəhramov adına Respublika Stadionunda keçiriləcək “Qarabağ” – “Braqa” oyunu saat 21:45-də başlayacaq. İlk qarşılaşmada Ağdam təmsilçisi 4:2 hesablı qələbə qazanıb.
