"Zirə"nin UEFA Avropa Liqasının I təsnifat mərhələsində Moldova “Şerif”i ilə oyunlarının başlama saatı açıqlanıb.
Sportnet.az xəbər verir ki, iyulun 11-də “Şerif” İdman Kompleksinin əsas arenasında keçiriləcək ilk görüş Bakı vaxtı ilə saat 21:00-da start götürəcək.
Cavab qarşılaşması isə bir həftə sonra “Liv Bona Dea Arena”da oynanılacaq və saat 20:00-da başlayacaq.
Qeyd edək ki, bu mərhələni adlayacaq komanda II təsnifat mərhələsində “Elfsborq” (İsveç) – “Pafos” (Kipr) cütünün qalibi ilə görüşəcək.
