Mundialın ən məhsuldar oyununu Fransa qazandı - YENİLƏNİB

20 iyun. E qrupu
24:00. İsveçrə - Fransa 2:5
Qollar: Cemaili, 81. Xaka, 87 - Jiru, 17. Matuidi, 18. Valbuena, 40. Benzema, 67. Sissoko, 73.
Baş hakim: Byorn Kuypers (Hollandiya)
"Arena Fonte Nova" (Salvador)

Matçöncəsi maraqlı məqamlar

- İsveçrə mundiallardakı ən uğurunu 1954-cü ildə 14 final oynayaraq əldə edib.

- İsveçrə DÇ-2006-da qol buraxmadan mübarizəni dayandırmışdı, bu mundialar tarixində ilk idi.

- İki komanda daha əvvəl 5 dəfə qarşılaşıb. İsveçrənin Fransa qarşısında qələbəsi yoxdur, sonuncu 2 dəfəqə qalib gəlib.

- Fransa ilə İsveçrə DÇ-lərdə ikinci dəfə qarşılaşacaq. DÇ-2006-dakı oyunda qol vurulmamışdı.

- Fransa millisi Kərim Benzemanın qol vurduğu 19 matçın hamısında qalib gəlib.

İsveçrə: 1. Dieqo Benaqlio, 2. Stefan Lixtşteyner, 5. Stiv von Bergen (Flip Senderos-4), 8. Gökhan İnler, 9. Haris Seferoviç (21. Drmiç-70), 10. Qranit Xaka, 11. Valon Behrami (15. Cemaili), 13. Rikardo Rodriqes, 18. Admir Mehmedi, 20. Djuru, 23. Xerdan Şaqiri.

Fransa: 1. Uqo Loris, 2. Matyu Debuşi, 3. Patris Evra, 4. Rafael Varan, 5. Mamadu Sako (21. Koselni-66), 6. Yohan Kabaye, 8. Matyu Valbuena (11. Antuan Qrizman), 9. Olivye Jiru (19. Pol Poqba-63), 10. Kərim Benzema, 14. Bles Matuidi, 18. Musa Sissoko.

Matç başlayır. 
3-cü dəq. Fransa oyuna aktiv başlayıb. İsveçrə müdafiə olunur.
6-cı dəq. Benzema qola yaxınlaşır. Futbolçunun zərbəsi qapıdan azacıq aralı keçir.
7-ci dəq. Olivye Jiru Van Borgenin üzünə zərbə endrir. Futbolçunun üzü qanayır. Oyunu davam etdirə bilməyəcək.
9-cu dəq. Von Bergeni Flip Senderos əvəz edir.
15-ci dəq. Fransa oyunu rəqib yarımmeydanına daşımağa çalışır.
16-cı dəq. Djuru Benzemanın hesabı açmasının qarşısını alır.
17-ci dəq. QOOOOOOOL! Künc zərbəsi zamanı Olivye Jiru başla hesabı açır.
18-ci dəq. QOOOOOOL! Behraminin böyük səhvi. Benzema topu Matuidiyə ötürür. Sonuncu fərqi artırır. 
21-ci dəq. Fransa daha bir epizodu yaradır. Benzema oyundan kənar vəziyyətə düşür.
25-ci dəq. Benzema sürətlə irəliləyir. Forvardın zərbəsi qapıçıda qalır.
27-ci dəq. Qranik Xakanın qolu off-sayd olduğu üçün qeydə alınmır.
29-u dəq. İsveçrənin kompakt hücumu. Loris ardıcıl iki epizodda komandasını qoldan xilas edir.
31-ci dəq. Penalti Benaqlio Benzemanı cərimə meydançasında yıxır.
32-ci dəq. Zərəçəkən penaltidən yararlana bilmir. Ardıcıl epizodda Kabay topu dirəyə vurur.
40-cı dəq. QOOOOOOOL! Fransa rəqibi əks hücumda yaxalayır. Jirunun sürətli reydindən sonra ötürdüyü topu Valbuena qola çevirir.
43-cü dəq. Fransa şou göstərir. Valbuenadan möhtəşəm zərbə, qapıçı yaxşı oynayır.
45+2-ci dəq. İlk hissə bitir.
Fasilə

Birinci hissənin statistikası

İsveçrə                         Fransa

51%  Topa nəzarət        49%

1        Küncdən zərbə       1

1        Of-sayd                    1

6     Qayda pozuntusu    7

0        Sarı vərəqə              0 

0        Qırmızı vərəqə         0

İkinci hissə başlayır. 
46-cı dəq. İsveçrə hissəyə dəyişikliklə başlayır. Behramini Cemaili əvəz edir.

48-ci dəq. Sako cərimə meydançasında Mehmedini yıxır. İsveçrə penalti gözləyir, haikm davam deyir.
54-cü dəq. Şaqiri sol cinahdan künc zərbəsi vurur. Xakanın zərbəsi kənara çıxır.
56-cı dəq. Senderosun ötürməsində səhv. Jiru uzaq məsafədən vursa da, dəqiq alınmır.
58-ci dəq. Cemailinin sərt zərbəsi qapıdan azacıq aralı keçir.
60-cı dəq. Fransa komanda halında hücuma çıxır. Əvvəlcə Jirunun daha sonra Benzemanın zərbəsinin qarşısı alınır.
63-cü dəq. Jirunu Pol Poqba əvəz edir.
64-cü dəq. İsveçrə qola çox yaxın olur. Mehmedi Debuşinin səhvindən istifadə edə bilmir.
66-cı dəq. Mamadu Sako zədələnir. Onu Loran Koselni əvəz edir.
67-ci dəq. QOOOOOOL! Poqbanın ötürməsindən sonra Benzema nəhayət ki, istəyinə çatır. 
70-ci dəq. İsveçrədə Seferoviçi Drmiç əvəz edir.
73-cü dəq. QOOOOOOL! Musa Sissoko milli karyerasındakı ilk qolunu vurur. 
76-cı dəq. İsveçrə şokdadı. Fransa 6-cı qol üçün yüklənir. Ardıcıl epizodlarda Matuidi və Benzemanın zərbələrini qapıçı dəf edir.
81-ci dəq. QOOOOOL! Cemaili təxminən 35 metrlik cərimə zərbəsindən baxımlı qola imza atır.
82-ci dəq. Antuan Qrizman Valbuenanı əvəzləyir.
85-ci dəq. Şaqirinin zərbəsini Loris çətinliklə çıxarır.
87-ci dəq. QOOOOOOOL! Xakadan daha bir təsəlli qolu. 
90+3-cü dəq. Maraqlı epizod. Benzema hakim final fitini səsləndirdiyi anda fərqlənir. Forvardın qolu əvvəlcə qeydə alınsa da, sonra silinir. Oyun başa çatır.

Oyunun statistikası

İsveçrə                         Fransa

57%  Topa nəzarət        43%

5        Küncdən zərbə       3

1        Of-sayd                    2

12     Qayda pozuntusu   16

0        Sarı vərəqə              1 

0        Qırmızı vərəqə         0

Matçın oyunçusu: Kərim Benzema (Fransa)