DÇ-2014-dəki gərgin mübarizə porno sektoruna mənfi təsir göstərib. Sportnet.az-ın məlumatına görə, "Der Spiegel" dərgisinin apardığı araşdırma nəticəsində mundialın başlandığı gündən bəri porno film izlənmə sayında ciddi enişin olduğu üzə çıxıb.
Portuqaliya - Almaniya matçının keçirildiyi gün - iyunun 16-da "Youporn" kanalı həmişəkindən 26 faiz az izlənilib. Lakin pornoya əsl zərbə iyulun 4-də vurulub. Almaniyanın Fransanı 1:0, Braziliyanın isə Kolumbiyanı 2:1 hesabı ilə yenərək, yarımfinala yüksəldikləri gün belə filmlərin izlənmə sayı 60 faiz azalıb.
DÇ-2014 qumar sektoruna da təsirsiz ötüşməyib. Dünyanın ən böyük qumarxana bazarı və qumarın oynanılmasına icazə verildiyi Makauda iyun ayı üçün gəlirlər son 4 ildə ilk dəfə aşağı düşüb. Üst-üstə 35 qumarxananın gəliri ötən ilin eyni dövrü ilə müqayisədə 3,4 milyard dollar azalıb. Mütəxəssislər bunu DÇ-2014 matçlarına olan maraq və bu oyunlarla əlaqədar bukmeyker kontorlarına pul qoyuluşlarının qumarxanaları üstələməsi ilə əlaqələndirirlər.
Qeyd edək ki, DÇ-2014-ə iyulun 13-də yekun vurulacaq.
