Almaniya və Argentina yığmaları arasında keçirilmiş DÇ-2014-ün final matçından sonra mükafatlandırma mərasimi keçirilib. Sportnet.az-ın məlumatına görə, əvvəlcə fərdi mükafatlar verilib.
Qızıl əlcək Manuel Noyerə (Almaniya), Qızıl top Lionel Messiyə (Argentina) təqdim olunub. Ardından Argentina yığması gümüş medallarını alıb. Daha sonra Almaniya millisi səhnəyə dəvət olunub. Bundestimə qızıl medallar təqdim edildikdən sonra kapitan Filipp Lam dünya kubokunu başı üzərinə qaldırıb. Tədbir atəşfəşanlıqla yekunklaşıb.
Mükafatlandırma mərasiminə FİFA prezidenti Yozef Blatterdən əlavə, Almaniya kansleri Angela Merkel də qatılıb.
