İtaliya "Yuventus"unun baş məşqçisi Antonio Konte istefaya göndərilib. Sportnet.az-ın klubun rəsmi saytına istinadən məlumatına görə, tərəflər qarşılıqlı razılıq əsasında yollarını ayırıblar.
44 yaşlı mütəxəssislə gələn il başa çatacaq anlaşmanın daha 3 il uzadılma məsələsində razılıq əldə olunmayıb. Konteni klubun transfer strategiyası və qarşısında qoyulan hədəflər qane etməyib.
Qeyd edək ki, Antonio Konte İtaliya yığmasının baş məşqçi postuna namizədlərdən biridir. "Skuadra Adzurra" isə Azərbaycan millisi ilə 2016-cı il Avropa çempionatının seçmə mərhələsində eyni qrupda yer alıb.
