Türkiyənin Antalya bölgəsində hazırlıqlarını davam etdirən "Qəbələ” bu gün toplanış çərçivəsində 6-cı yoxlama oyununu keçirib. Sportnet.az-ın məlumatına görə, Azərbaycan təmsilçisi Macarıstanın yüksək liqasında çıxış edən "Haladaş” klubu ilə qarşılaşıb.
Görüş "Qəbələ"nin 2:0 hesablı qələbəsi ilə yekunlaşıb. Qolları Viktor Mendi və Emin Zamanov vurub. Beləliklə, "Qəbələ” Antalya toplanışında 3-cü qələbəsini qazanıb. Daha öncə "qara-qırmızılar" Antalyada PSV-nin (Hollandiya) ikinci komandası ilə qolsuz heç-heçə edib, Türkiyə "Əskişəhərspor”una 1:3, Rusiya "Kuban”ına 0:2 hesabı ilə uduzan Roman Qriqorçukun yetirmələri "Vorskla”nı (Ukrayna) 2:1, "Adanaspor”u (Türkiyə) 3:2 hesabı ilə məğlub edib.
"Qəbələ” – "Haladaş” (Macarıstan) – 2:0
Qollar: Viktor Mendi 27, Emin Zamanov 75
"Qəbələ": 1. Kamran Ağayev (22. Dmitri Bezotosnı), 15. Ruslan Abışov (87. Bəhlul Mustafazadə), 12. Aleksandru Benqa, 16. Ruslan Tağızadə (13. Murad Musayev), 25. Adrian Ropotan, 5. Sadiq Quliyev, 17. Qismət Əliyev (23. Emin Zamanov), 32. Mixail Sivakov, 90. Ekiqo Ehiosun, 99. Tellur Mütəllimov, 9. Viktor Mendi (27. Bəxtiyar Soltanov)
Ehtiyat oyunçular: 4. Elvin Camalov, 8. Markinyoş
