Hollandiyanın Veyk-an-Zeye şəhərində keçirilən "Tata Steel Chess" festivalına yekun vurulub. Sportnet.az-ın məlumatına görə, Azərbaycanı təmsil edən Teymur Rəcəbov ənənəvi turniri 6 xalla 8-ci pillədə başa vurub.
Rəcəbov son turda qara fiqurlarla gürcüstanlı Bahadur Cobavaya uduzub. Bu qələbə sayəsində Cobava xallarını 3-ə çatdırsa da, sonuncu pillədən qurtula bilməyib. O, 3 xalla 14-cü yeri tutub. Rəcəbov isə 6 xalla 8-ci olub və ermənistanlı Levon Aronyanı yarım xal qabaqlayıb.
Qeyd edək ki, 14 şahmatçının iştirak etdiyi turnirdə qalib adını dünya çempionu Maqnus Karlsen qazanıb. Norveçli qrossmeyster 9 xal toplayıb.
