Təlim-məşq toplanışının ilk mərhələsini Bakıda davam etdirən "Sumqayıt" "Rəvan"la yoxlama görüşü keçirib. Sportnet.az-ın məlumatına görə, Aqil Məmmədovun rəhbərlik etdiyi komanda 2:0 hesablı qələbə qazanıb.
"Gənclik şəhəri" təmsilçisinin heyətində Vurğun Hüseynov və Məhəmməd Qurbanov fərqləniblər.
Qeyd edək ki, iyulun 15-dən 29-dək təlim-məşq toplanışının ikinci mərhələsini Türkiyənin Kartepe bölgəsində keçirəcək "Sumqayıt" ilk yoxlama görüşündə "Neftçala"nı məğlub edib - 5:1.
