AZAL klubu qış hazırlıq planı çərçivəsində növbəti yoldaşlıq oyununu keçirib. Sportnet.az-ın məlumatına görə, yenə "Sumqayıt”la bu dəfə "AZAL Arena”da baş tutan görüşdə meydan sahibləri üstün olub.
Daha öncə "Qaradağ Lökbatan” (2:2) və elə "Sumqayıt”la (0:0) heç-heçə edən "təyyarəçilər” bu dəfə qələbəyə sevinib. "Təyyarəçilər"in aşkar üstünlüyü şəraitində keçən görüşün 68-ci dəqiqəsində Seymur Əsədovdan gözəl ötürmə alan Təmkin Xəlilzadə fərqlənib. T.Xəlilzadə oyunun son dəqiqəsində fərqi artırmaq üçün real fürsət yaxalasa da, penaltini dəqiq yerinə yetirməyib.
Qeyd edək ki, AZAL növbəti yoldaşlıq oyununu yanvarın 22-də "Bakı”ya qarşı keçirəcək. Görüş "AZAL Arena”da baş tutacaq.
