Azərbaycan milli komandasının 2016-cı il Avropa çempionatının seçmə qrup matçlarında geyinəcəyi formalar təqdim olunub. Sportnet.az-ın məlumatına görə, geyimlər ilk dəfə "Fan Shop"un açılışında sərgilənib.
"Umbro" firmasının istehsalı olan geyimlər göy və qırmızı rənglərdədir.
Tədbir zamanı üzərində Azərbaycan futbolunun əfsanəvi nümayəndəsi Anatoli Banişevskinin əksi olan eksklüziv futbolkanın (SSRİ yığmasının replica maykası) təqdimatı və satışı təşkil olunub. Mərasimə futbol veteranlarından əlavə, mərhum futbolçunun xanımı İnna Banişevskaya da qatılıb.
Cəfər BƏY
