Yunanıstan kuboku ilə bağlı mühüm qərar qəbul olunub. Sportnet.az-ın məlumatına görə, turnirin sonadək başa çatdırılmasına qərar verilib. Bununla da yunan klubları beynəlxalq turnirlərdən kənarlaşdırılmaq cəzasından yaxa qurtara biliblər.
Yunanıstan höküməti ilə FİFA nümayəndələri kubokunun davam etdirilməsi ilə bağlı razılığa gəliblər. Yarış azarkeşlərin iştirakı ilə insidentlə əlaqədar Yunanıstanın İdman Nazirliyi tərəfindən martın əvvəlində ləğv olunmuşdu. Bu qərar FİFA və UEFA-nın narazılığına səbəb oldu. Hər 2 futbol qurum vəziyyəti hökümətin milli federasiyanın işinə müdaxilə kimi qiymətləndirərək yarışın aprelin 15-dək bərpa olunmasını tələb etdirlər. Son nəticədə məsələ həllini tapdı və yarımfinal, final oyunları keçiriləcək.
