Türkiyə prezidenti Recep Tayyip Erdoğan əslən azərbaycanlı atlet Ramil Quliyevi dünya çempionu olması münasibətilə təbrik edib. Sportnet.az-ın məlumatına görə, Erdoğan bu barədə şəxsi Twitter hesabında yazıb.
"Atletika üzrə dünya çempionatında kişilər arasında 200 metr məsafəyə qaçışda qızıl medal qazanaraq hamımızı qürurlandıran Ramil Quliyevi ürəkdən təbrik edirəm" deyə qardaş ölkə başçısı bildirib.
Qeyd edək ki, Ramil Quliyev Böyük Britaniyanın paytaxtı Londonda keçirilən dünya çempionatında finişə 20,09 saniyəyə çatıb.
