"Bakı-2015" I Avropa Oyunlarında Azərbaycanı bütün idman növləri üzrə üst-üstə 330-dan artıq idmançı təmsil edəcək. Sportnet.az-ın məlumatına görə, bu barədə gənclər və idman naziri Azad Rəhimov açıqlama verib.
O bildirib ki, idmançıların qarşısına heç vaxt məqsəd qoymur. Bununla belə, 2012-ci il London Yay Olimpiya Oyunlarında Azərbaycanın 204 ölkə arasında 30-cu, Avropada 15-ci, 2014-cü il Yeniyetmələrin II Yay Olimpiya Oyunlarında medal sayında 10-cu olması faktı nəzərə alınmalıdır.
Qeyd edək ki, 20 növ üzrə keçiriləcək I Avropa Oyunlarına iyunun 28-də yekun vurulacaq.
