UEFA Ukrayna çempionatının "Niva" - "Ternopol" matçının danışılmış olmasından şübhələnib. Sportnet.az-ın məlumatına görə, bu barədə Ukrayna Futbol Federasiyasının vitse-prezidenti Vladimir Marinovski açıqlama verib.
O bildirib ki, noyabrın 16-da keçirilmiş qarşılaşma ilə bağlı Ternopoldan Britaniya bukmeyker kontoruna 5 qeyri-adi pul qoyuluşu edilib. Bütün hallarda "oyunçular" 0:0 hesabına qoyuluşdan başlayıblar. Sonradan isə onlar hesab və əmsal dəyişikliyindən asılı olaraq, pul qoyuluşlarını dəyişdiriblər. Nəticədə ən yüksək uduş 10 min funt olub, qalan 4 qoyuluşun məbləği isə üst-üstə 13 min funt təşkil edib. Görüş isə 2:2 hesablı heç-heçə ilə nəticələnib.
"İnsident çox xoşagəlməz, biabırçıdır. Buna görə də hər iki komandanın məzuniyyətdən qayıtmasını gözləyəcək və hərtərəfli araşdırma aparacağıq" deyə Marinovski bildirib.
