Azərbaycan Taekvondo Federasiyasında (ATF) I vitse-prezident Nağı Səfərovun sədrliyi ilə iclas keçirilib. Toplantıda federasiya rəhbərliyinə və məşqçilər heyətinə yeni təyinatlar açıqlanıb.
Azərbaycanın kişilərdən ibarət milli komandasının sabiq baş məşqçisi Ələkbər İmaməliyevə ATF-in icraçı direktor vəzifəsi həvalə olunub. Yığmanın yeni baş məşqçisi qismində iranlı Reza Mehmandost təsdiqlənib. Bu komandada böyük məşqçi vəzifəsi isə Elnur Amanova tapşırılıb.
Qeyd edək ki, iclasda taekvondonun regionlardakı vəziyyəti də müzakirə olunub (Report.az).
