Valentin Qranatkinin xatirə turnirində Cənubi Koreya və Azərbaycanın 1997-ci il təvəllüdlü futbolçulardan ibarət yığmaları arasında keçirilən oyun zamanı insident baş verib. Sportnet.az-ın məlumatına görə, 85-ci dəqiqədə yığmamızın baş məşqçisi Nikolay Adam baş hakimin qərarına sərt formada etiraz edib.
O, topu meydanın kənarından təpiklə göyə vurub. Bunu görən referi almaniyalı mütəxəssisi meydandan qovub. Tribunalardakı azsaylı azərbaycanlı azarkeşlər isə hakimin ünvanına məşhur ifadəni işlətməyə başlayıblar.
Qeyd edək ki, görüş Cənubi Koreyanın böyük hesablı qələbəsi ilə yekunlaşıb - 3:0.
