"Məni dəstəkləyən hər kəsə - baş məşqçi, komanda yoldaşlarım, klub prezidentinə təşəkkür edirəm". Sportnet.az-ın məlumatına görə, bunu 2014-cü ilin ən yaxşı futbolçusu seçilən Kriştianu Ronaldu deyib.
İspaniya "Real Madrid"inin portuqaliyalı hücumçusu karyerasında 3-cü "Qızıl top"u qazandığı ötən ilin unudulmaz olduğunu bildirib. O, il ərzində Çempionlar Liqası və "Qızıl top"u qazanmağın çox özəl duyğu olduğunu və gələcəkdə mükafatların sayını artırmaq üçün daha da çalışacağını açıqlayıb: "Mükafatların sayını artırmaq, komandam, anam, oğlum üçün qazanmaq istəyirəm. Bütün Portuqaliyaya da mesajım var. 3 dəfə "Qızıl top"u qazanmaq çox fərqlidir. Bütün dövrlərin ən yaxşı futbolçusu olmaq istərdim".
Qeyd edək ki, Kriştianu Ronaldu "Qızıl top" uğrunda mübarizədə Lionel Messi və Manuel Noyeri geridə qoyub.
