İspaniyanın "Real Madrid" klubunun futbolçusu Kriştianu Ronaldu 4 oyundan 12 oyunadək diskvalifikasiya oluna bilər. Sportnet.az-ın məlumatına görə, "Qızıl top"un sahibi La Liqada "Kordova" ilə oyunun 82-ci dəqiqəsində idmançıya yaraşmayan hərəkətə yol verib.
O, rəqib futbolçulardan birini vurub, digərini isə sifətindən itələyib. Baş hakim Ronalduya birbaşa qırmızı vərəqə göstərib. Aparıcı oyunçusunu itirməsinə rəğmən, "Real Madrid" 89-cu dəqiqədə Qaret Beylin penaltidən qolu ilə qələbəyə nail olub - 2:1.
