ABŞ-ın məşhur boks hakimi Eddi Kotton koronavirusa yoluxduqdan sonra dünyasını dəyişib.
Sportnet.az-ın Beynəlxalq Boks Federasiyasının rəsmi saytına istinadən məlumatına görə, Kotton bu səhər 72 yaşında vəfat edib. Həyat yoldaşının dediyinə görə, iki həftə əvvəl o, sətəlcəm diaqnozu ilə xəstəxanaya yerləşdirilib, daha sonra isə ona koronavirus diaqnozu qoyulub.
Qeyd edək ki, Eddi Kotton Denis Lebedev - Marko Huk, Lennoks Lüis - Mayk Tayson, Oleq Maskayev - Hasim Rəhman və digər döyüşlərin referisi olub. O, sonuncu döyüşünü 2014-cü ildə idarə edib.
