DÇ-2014-də yoluna davam edən Kosta Rika yığmasının üzvü Conni Akosta qarşıdakı oyun haqda danışıb. Sportnet.az-ın məlumatına görə, futbolçu yarımfinal uğrunda gedəcək Hollandiya ilə mübarizədən qorxmadıqlarını bildirib.
O, "Kosta Rika" millisinin həmişə ən pis nəticələrə hazır olduqlarını qeyd edib: "Mundialda yolumuza davam edib, ölkə tarixinə düşmək istəyirik. Çox güclü bir rəqibə qarşı oynayacağıq, amma həyəcanlı deyilik. Biz hollandlardan qorxmuruq".
Qeyd edək ki, Hollandiya və Kosta Rika yığmaları bu gecə Bakı vaxtı ilə 01:00-da 1/2 final uğrunda mübarizə aparacaq.
