ABŞ yığmasının almaniyalı baş məşqçisi Yurgen Klinsmann DÇ-2014-ün finalı haqda danışıb. Sportnet.az-ın məlumatına görə, o, Almaniya - Argentina qarşılaşmasında ölkəsinin milli komandasının favorit olduğunu bildirib.
Klinsmann 1990-cı ildə Almaniyanın Argentinanı 1:0 hesabı ilə məğlub etməsini xatırlatıb: "Almaniya - Argentina finalının tarixi xüsusi bir yer tutur. 1986 və 1990-cı illərdə keçirilən yarışların finallarında güclü olan komandalar qazandı. Almaniyanın 24 il sonra kubok qazanacağına ümid edirəm. Məncə komanda hazırdır və Kuboku qazana biləcək gücdədir. Ancaq yenə də Argentinanın qapısına yol tapmaq üçün çalışmalıdırlar və onlara hörmət etməlidirlər".
