Martın 7-də Rusiyanın Yakutsk şəhərində olimpiya çempionu Roman Dmitriyevin xatirəsinə həsr olunmuş sərbəst güləş üzrə gənclər arasında beynəlxalq turnir keçiriləcək. Sportnet.az-ın məlumatına görə, yarışda Azərbaycanı 3 gənc pəhləvan təmsil edəcək.
Yığmamızın məşqçisi Siracuddin Eldarovun rəhbərliyi altında turnirə Əfqan Xaşalov (55 kq), Pənah İlyaslı (66 kq) və Turxan Qurbanov (96 kq) yollanacaq. Qurbanov martın 7-də, Xaşalov və İlyaslı ertəsi gün döşək üzərinə çıxacaq. Yarış iki gün davam edəcək.
