“Barselona”nın yarımmüdafiəçisi Qavi yaxın günlərdə komandasına kömək edə bilməyəcək.
Sportnet.az xarici KİV-ə istinadən xəbər verir ki, 21 yaşlı futbolçu dünən baş tutan məşqdə dizindən xəsarət alıb.
İspaniyalı futbolçu La Liqanın bazar günü keçiriləcək “Rayo Valyekano” ilə oyununu buraxacaq. O, həmçinin, sentyabrda dünya çempionatının seçmə mərhələsində İspaniya yığmasının heyətinə də qoşulmayacaq. Qavi yaxın zamanda tibbi müayinədən keçəcək və bərpa müddəti dəqiqləşəcək.
Qavi 2023-cü ilin sonunda dizində çarpaz bağların qopması səbəbilə əməliyyat olunmuşdu. Bu dəfə də onun eyni dizində problem yaranıb.
