"Milan"ın müdafiəçisi Türkiyənin "Balıkesirspor" klubuna transfer olacaq. Sportnet.az-ın məlumatına görə, artıq Zakkardonun keçidi üçün bütün məsələlər öz həllini tapıb.
Artıq PTT 1-ci liqa təmsilçisi 33 yaşlı müdafiəçinin Türkiyəyə gələcəyi günü gözləyir. Lakin bu keçidin baş tutmasında bir problem var ki, bu da futbolçunun sponsorlarla olan reklam müqaviləsidir.
Bu barədə "Balıkesirspor"un prezidenti Tuna Aktürk ölkə mətbuatına danışıb: "Zakkardo ilə razılıq əldə olunub. Əgər sponsorlarla olan reklam müqavilələri öz həllini taparsa, o Balıkesirə gələcək".
