Çempionlar Liqasında I təsnifat mərhələsinin cavab görüşləri keçirilib. Sportnet.az-ın məlumatına görə, artıq 3 qarşılaşmadan 2-si başa çatıb.
Estoniya "Levadiya"sı San-Marino "La Florita"sının qapısından 7 cavabsız top keçirib. İlk görüşdə də 1:0 hesablı qələbə qazanan "Levadiya" II təsnifat mərhələsinə yüksəlib.
Andorranın "Santa-Koloma" klubu isə Ermənistan "Banants"ını səfərdə daha çox qol vurması səbəbindən üstələyib. Ötən həftə keçirilmiş ev oyununda 1:0 hesablı qələbəyə nail olan "Santa-Koloma" İrəvanda 2 top fərqi ilə geridə olduğu matçın uzatma dəqiqələrində istəyinə nail olub - 2:3.
Nəhayət, "Torshavn" (Farer adaları ) - "Linkoln" (Cəbəllüttariq) matçında meydan sahibləri 5:2 hesabı ilə qalib gəliblər. Bu komandalar arasındakı ilk görüşdə qalib müəyyənləşməyib - 1:1.
Beləliklə, "Levadiya", "Santa-Koloma" və "Torshavn" Çempionlar Liqasının II təsnifat mərhələsinə yüksəlib.
