"Neftçi"ni təbrik etmək olmaz. Çünki onlar bizdən iki baş güclü sayılsalar da, minimal fərqlə qalib gəldilər". Sportnet.az xəbər verir ki, bunu "Xəzər Lənkəran"ın futbolçusu Nodar Məmmədov "Neftçi"yə 0:1 hesabı ilə uduzduqları Azərbaycan Premyer Liqasının XXI tur matçından sonra deyib.
O bildirib ki, komandası son dəqiqəyə qədər əlindən gələni etsə də, nə isə çatışmayıb. Məmmədov, həmçinin "Xəzər Lənkəran"la "Neftçi" arasında olan gərginliyə görə bakılı azarkeşlərdən bəzilərinin qeyri-etik ifadələr işlətmələrinə etiraz edib: "Söyüş futbola yaraşmaz".
"Bizə bundan sonra bir qələbə lazımdır. Davamı gələcək", - deyə futbolçu əlavə edib.
Qeyd edək ki, Nodar Məmmədov "Xəzər Lənkəran"a qış transfer dövründə keçib.
