Bu gün futbol üzrə Azərbaycan Premyer Liqasında XXIX tura start verilib. Sportnet.az-ın məlumatına görə, turun açılış oyununda "Qarabağ" Gəncənin "Kəpəz" klubunu qəbul edib.
"Azərsun Arena"da keçirilən oyuna daha aktiv başlayan meydan sahibləri 17-ci dəqiqədə istəyinə nail olub. "Qarabağ"ın braziliyalı futbolçusu Reynaldonun topa toxunuşundan sonra top "Kəpəz"in futbolçusu Tural Axundova dəyərək qapıya gedib. Qurban Qurbanovun rəhbərlik etdiyi komanda ilk hissənin başa çatmasına 3 dəqiqə qalmış azarkeşləri bir daha sevindirib. Dani Kintananın 42-ci dəqiqədə vurduğu zərbə yenidən T.Axundova dəyərək tora qovuşub. İlk hissə "Qarabağ"ın 2:0 hesablı qələbəsi ilə yekunlaşıb.
İkinci hissəyə də meydan sahibləri daha aktiv başlayıb. Nəticədə Mahir Mədətov maçtın 62-ci dəqiqəsində hesab arasındakı fərqi artırıb - 3:0. Oyunun bitməsinə saniyələr qalmış son nöqtəni isə "Qarabağ"ın heyətində Samuel Armenteros qoyub - 4:0. Bundan sonra qapılara qol vurulmayıb.
Beləliklə, "Qarabağ" XXIX turdan sonra 66 xalla turnir cədvəlinin vahid lideridir. Aktivində 45 xal olan "Kəpəz" isə dördüncüdür.
Qeyd edək ki, turun digər oyunları 9 və 10 apreldə keçiriləcək.
8 aprel (cümə)
17:30. "Qarabağ" – "Kəpəz" - 4:0
Qol: Tural Axundov 17-öz qapısına. Dani, 43. Mahir Mədətov, 62. Samuel Armenteros, 90
Hakimlər: Rəhim Həsənov, Yaşar Abbasov, Akif Əmirəli, Ziya Nəsirov
AFFA nümayəndəsi: Nüvər Xasıyev
Hakim-inspektor: Asim Xudiyev
Bakı. "Azərsun Arena".
Qeyd edək ki, turun digər oyunları 9-10 apreldə keçiriləcək.
